Mtibwa Sugar yaifanya ngazi Azam FC

Timu ya Mtibwa Sugar inaendelea kujinasua kushuka daraja  baada ya jana kuitandika Azam FC goli 1-0 mchezo uliofanyika Gairo mkoani Morogoro.

Goli la ushindi la Mtibwa Sugar limefungwa na Issa Rashid ambaye alipiga kona iliyoingia moja kwa moja nyavuni dakika ya 38 ya mchezo huo.

Kwa ushindi huo sasa unaifanya Mtibwa Sugar ifikishe  alama 41 ikipanda hadi nafasi ya 13 iliyokuwa inashikiliwa na Lipuli yenye alama 40.

Mtibwa inalingana alama na Alliance ambayo imetoa sare ya  goli 1-1 dhidi ya JKT Tanzania ikiwa na utofauti wa magoli ya kufunga na kufungwa.

Matokeo mengine ya michezo ya jana ni pamoja na Namungo kuichakaza Mbeya City goli 1-0, Kagera Sugar 1 Coastal Union 0 na Ndanda FC 2 Tanzania Prisons 1.